Sien jy my nou?

Die uitdagende titel en die pragtige voorblad het gemaak dat ek sommer graag hierdie nuwe Romanza in die subgenre: Medies, wou lees.
Ses jaar gelede het Monica ’n besluit geneem wat nou ’n dilemma veroorsaak. Sy is die aangewese persoon om vir Johan te versorg ná ’n ernstige ongeluk, maar dit gaan lol as hy moet uitvind wie sy werklik is. ’n Ander naam, veranderde stemtoon en ’n ander houding, asook ’n paar naaste mense se geheimhouding blyk die enigste uitweg te wees.
Of die plan gaan werk, en wat die ontknoping gaan oplewer, laat ek liefs aan die lesers oor om self te bepaal. Ek is nie een honderd persent oortuig van die geloofwaardigheid van die opset nie, maar die storie lees tog lekker en die ontwikkelende verhouding, wat ’n gegewe is vir ’n suksesvolle romanse, is nie uitgesluit nie.
Romanza is die gewilde druknaam van Lapa Uitgewers