Capitec: Stryd Met Die Grotes

Die topverkoperskrywer TJ Strydom vertel die boeiende verhaal van ’n klompie entrepreneurs wat daarin slaag om ’n netwerk van mikrolenerye in ’n uitdagerbank te omskep. Eers neem die ou grotes in die bankwese die  Stellenbosse snuiter nie ernstig op nie, maar hulle weet nie wat hulle tref toe dié nuwe finansiële instelling momentum kry en hul kliënte op groot skaal afrokkel nie. Met 22 miljoen kliënte word Capitec die nuwe Suid-Afrika se grootste suksesverhaal. 

TJ Strydom is ’n skrywer en sakejoernalis wat sy tande by Beeld, The Times, Reuters en Sunday Times geslyp het. Hy stel belang in sakesuksesse en in 2019 verskyn sy eerste biografie, Christo Wiese: Risiko & rykdom, waarin Strydom die ontstaansverhaal van Pep en Shoprite, asook die ineenstorting van Steinhoff International, met ’n biografie verweef. Hierna volg Koos Bekker’s Billions in 2022, waarin hy M-Net se impak en Naspers se verstommende groei ondersoek. Strydom het in Pietermaritzburg grootgeword en by die Universiteit Stellenbosch studeer. Hy is getroud en woon in Johannesburg.

Book Partnerships

For the Fans