FREE delivery to all EXCLUSIVE BOOKS stores nationwide. FREE delivery to your door on all orders over R450. Excludes all international deliveries.
|
Tsitsi Dangarembga is a Zimbabwean novelist, playwright and filmmaker. Her debut novel Nervous Conditions was named by the BBC in 2018 as one of the top 100 books that have shaped the world. Her work covers culture, politics and identity, writing to recentre marginalized voices.
There are no products in this collection. Keep on shopping.
We will notify you on events like Low stock, Restock, Price drop or general reminders so that you don’t miss the deal
Lija, die stiefdogter van Pontius Pilatus, kom in Jerusalem aan met twee brandende begeertes wat haar rebelse optrede aanvuur: haar intense haat en wraakgedagtes jeens alle Romeine en haar hoop om vir Jesus te ontmoet. Sy glo dat Hy die gat in haar binneste kan genees. Sy is onverskrokke in haar verontagsaming van voorskrifte en in die proses beland sy herhaaldelik in gevaarlike situasies, situasies waaruit Silva, ’n Romeinse tribuun, haar telkens red.
Die verhaal is geplaas in die tydgleuf vlak voor die kruisiging, en die tyd direk daarna. Jy sal karakters soos Judas Iskariot, Barabbas en Herodes raaklees in die boeiende vertelling van die jong Joods-Romeinse meisie met ’n hartseer verlede wat haar verbitterd gelaat het. Sy het nie rekening gehou daarmee dat die Romein, met stryd van sy eie, haar hart gaan wen nie. “Wat het geword van haar belofte aan haarself om met elke Romein wat haar pad kruis, af te reken? (p. 104)
Die verhouding blyk onversoenbaar te wees, want Silva deel nie haar geloof nie. Die storielyn met volop konflik, vorder met ’n pas wat verseker dat jy nie sommer die boek wil neersit nie. Ek het groot simpatie gehad met die gekwelde hoofkarakter, hoewel haar hardkoppigheid my byna moedeloos gemaak het. Silva het, ten spyte van sy toewydig, self ’n goeie skeut onversetlikheid openbaar. Beslis ’n ryke aanbieding van stryd en sterk emosies.
Frenette van Wyk bewys haarself weereens as ’n baie veelsydige skrywer. Sy het reeds haar slag getoon met ritse romanses in verskillende sub-genres, wat insluit historiese fiksie (Silwerspoor van die maan), fantasie (Onmoontlike droom), en onlangs Om aan ’n ster te raak, ’n Inspirasie storie gekombineer met fantasie. Sy het ook ’n paar SuperRomanzas geskryf, onder andere Geliefde rebel. Met Stryd vir liefde, ’n geslaagde Bybelroman, brei sy haar oeuvre nog verder uit.
Stryd vir liefde is ’n publikasie van Luca, die geestelike druknaam van Lapa Uitgewers
Loved the story one of my favorite books. I can't wait to get the rest of the series.
Ek het Ivor Swartz se nuwe boek al ’n tydjie gelede begin, maar ander boeke het knaend in die ry gespring. Totdat ek vanuit ’n heel ander oord gekonfronteer word met dieselfde waarhede waarna die skrywer onder andere, by monde van die profeet, Habakuk, verwys. By ’n biduurgeleentheid is ons herinner aan Johannes 16 vers 33: “Dit het Ek vir julle gesê, dat julle in My vrede kan hê. In die wêreld sal julle verdrukking hê; maar hou goeie moed, Ek het die wêreld oorwin.” Dit het my geïnspireer om erns te maak met Nogtans-geloof, gepen na aanleiding van Habakuk se pad wat hy gestap het onder uitdagende omstandighede.
Christene kan byna deur die bank lustig saamsing oor vyebome wat nie bot nie, van mislukte oeste, krale sonder vee en voete soos ribbokke (Habakuk 3:17-19). Maar die proses wat hierdie profeet uiteindelik laat jubel het, is minder bekend. Aanvanklik is die profeet opstandig omdat onreg seëvier, hy kla by God oor wetteloosheid, geweld en vernietiging. Hy vertoef lank genoeg in gebed by God om God se antwoord te kry dat Hy die onreg nie ongestraf sal laat nie.
Die skrywer trek deurgaans ’n parallel met ons omstandighede in Suid-Afrika, waar wetteloosheid, korrupsie en geweld oënskynlik ook seëvier. Hy raak persoonlik en eerlik deur te erken dat hy self sy eie trauma en seer as verskoning gebruik het om minder as ’n dissipel van Jesus op te tree (p.168).
Daar gaan ook ernstige waarskuwings uit in die boek: “God kan nie gemanipuleer word nie – nie met trane, biddae, vasdae of enige ander soort godsdienstige rituele nie. God kan vertrou word – Hy ken jou, jou omstandighede, jou verse en beproewinge.” (p.29) ’n Ander groot gevaar wat die skrywer uitwys, is dat ons kennis van God in diens begin staan van ons verwagtinge, welke verwagtinge dan jou siening van God gepaal. Die skrywer gebruik die voorbeeld van Jona in hierdie verband.
Nogtans-geloof kan effektief gebruik word as studiehulpmiddel wanneer die boek van Habakuk deurgewerk word. Ek herhaal ten slotte graag die stelling wat Ivor Swartz reeds vroeg maak: “Ek glo in nogtans omdat ek al die donkerste van tye oorleef het, en eerstehands gesien het die lig is altyd sterker en hou langer.” (p.16)
Nogtans-geloof is ’n publikasie van Lux Verbi, druknaam van NB Uitgewers. Die skrywer verskaf ook ’n lys van boeke wat hy aanbeveel om ter aanvulling te lees.
