’n Grootwordgids vir Seuns

Sensitiewe en vriendelike gids vir grootword. Vriendelike, gerusstellende en positiewe gids vir seuns wat puberteit nader. Hierdie boek verduidelik al die veranderings wat met tieners gaan gebeur soos hul grootword en ook hoe hierdie veranderinge hulle sal laat voel. Puberteit- en ouerskapkenners Anika Naik en Phil Wilkinson behandel enige bekommernisse wat jong lesers mag hê oor wat “normal” is, verbeter lesers se selfbeeld en stel hul gerus oor al die veranderinge wat hul gaan ondergaan tydens puberteit. Die boek bevat ook leefstyladvies oor onderwerpe soos gesonde eetgewoontes en oefening, en inligting oor hoe puberteit die teenoorgestelde geslag beïnvloed. Onderwerpe sluit in: Wat is puberteit?; Wat gebeur wanneer?; Hoe werk hormone?; Groei en groei; ʼn Dieper stem; Verpestelike puisies; Hare net waar jy kyk; Jou eerste skeer; 'n Sweterige storie; Daar onder; Nog veranderinge daar onder; Nuwe gevoelens; Wat is seks?; Hoe word babas gemaak?; 'n Goeie selfbeeld; Buierigheid; Beheer jou buie; Gesonde eetgewoontes; Die voordele van oefening; Privaatheid en jou lyf; Puberteit vir meisies; Meisies het ook probleme.

Anita Naik is ’n vryskutjoernalis wat al vir tydskrifte soos Glamour en Red geskryf het. Sy was die raadgewer vir Just 17 en die gesondheidskrywer vir Closer. Tans is sy ’n redakteur op die Dove Veldtog vir Ware Skoonheid-webwerf, waar sy skryf oor selfbeeldkwessies vir tienermeisies en hul ma’s. Phil Wilkinson is ’n vryskutskrywer en die skrywer van 50 boeke, sowel as ’n pa van twee. Hy lewer bydraes tot ’n aantal ouerskapwebwerwe, insluitend die Huffington Post, waar hy skryf oor opvoeding, boeliegedrag, seksopvoeding en tieners.