AB

AB de Villiers is sonder twyfel een van die beste kolwers wat krieket nog ooit opgelewer het, maar sy prestasies strek veel verder as sy ongelooflike arsenaal dryf-, trek-, skep-, kap- en veeghoue. Of hy nou die tuisskares by die Wanderers of Nuweland laat jubel, of in Bengaluru of Sydney nuwe rekords opstel, die vriendelike krieketheld speel 'n vreeslose, vurige spel wat miljoene Suid-Afrikaners trots maak en altyd 'n positiewe beeld van sy land uitstraal. Dat sy gewildheid steeds toeneem, blyk duidelik, nie net uit sy derduisende Facebook-aanhangers en meer as twee miljoen Twitter-volgelinge nie, maar ook uit die duidelik waarneembare gevoel van afwagting in die paviljoene wanneer hy uitstap om sy plek voor die paaltjies in te neem. Dis AB se storie die, in sy eie woorde – die verhaal van die jongste van drie talentvolle, sportmal broers se grootwordjare in Warmbad; van 'n seun wat in sy hoerskooljare by een van Pretoria se topskole in tennis, rugby en krieket uitgeblink het; van 'n jong man wat op 20 sy internasionale krieketdebuut gemaak het en in die volgende 11 seisoene vir elke enkele toets gekies is waaraan Suid-Afrika deelgeneem het; van 'n kolwer wat besig is om die kuns te herdefinieer, wat boulaanvalle in elke variasie van die spel oorheers en onder die wereld se bestes gereken word in toets- sowel as internasionale eendag- en T20-krieket. Maar, te midde van die vuurwerke en deurlopende staatmakerspel, bly AB 'n ware sportman in die beste sin van die woord – beskeie oor sy eie welslae maar gou om sy opponente lof toe te swaai, altyd gereed om hard te werk, om sy span se volgende uitdaging te aanvaar en om sy land te verteenwoordig – iets wat hy steeds as 'n enorme voorreg beskou. Hierdie is die verhaal van 'n eietydse sportfenomeen.

‘AB is tans die mees gerekende krieketspeler op die planeet.’ – Adam Gilchrist. ‘Seker die wereld se beste krieketspeler.’ – Mike Atherton

Statistieke kan nooit die volledige prentjie skets nie, maar AB de Villiers het tot dusver 14 000 lopies in 98 kriekettoetse vir Suid-Afrika aangeteken, 8 000 lopies in 190 internasionale eendagwedstryde en meer as 40 000 lopies in sy professionele loopbaan. Hy is veral bekend vir sy kolfstyl en die nederige, koersvaste wyse waarop hy as kaptein die Suid-Afrikaanse nasionale span in internasionale eendagkrieket lei.

Book Partnerships

For the Fans