Ditlabonyane Diterama le mesongwana

Winner – Maskew Miller Longman 2012 Literature Awards. O jelwe ke aretse – David wa Maahlamela. Mamokebe o tswelela e le mofsa yo elego lekgoba la theknolotsi ye e hwetswago sellathekeng. Theknolotsi e mo kopantsha le Donald yo motho a ka mo swantshago le babolai ba go dirisa Facebook. Donald o a mo goketsa gomme Mamokebe o a goketsega. Ka go hloka mahlatse, Donald ga se a tle ka tsa lerato eupsa maanomabe. Yena o nyaka go tsea Mamokebe o mo ise go ngaka yeo e bego e nyaka go dira dihlare ka letswele la kgarebjana. Mphago wa mogopolo – Martin Kwapeng Lebotse. Mmabatho o ratana le Nkopodi, morwa wa Moretlwa. Moretlwa o ya go nyaka mesomo Tshwane. Ge ba fi hla mesomong o itebatsa mosadi le bana. Tlala e sala e tlaisa ba lapa la gagwe, fao Nkopodi a gapeletsegago go tlogela sekolo. Yena o dira se le mogwera wa gagwe. Go ena le gore ba yo nyaka mesomo, ba ikgethela go yo utswa kgwebong ya Mokhuri, yoo e lego tatagwe Mmabatho lekgarebe la Nkopodi. Mokhuri o bolaya mahotswana ao ka sethunya.