Gebed wat berge beweeg

Ervaar die wonderwerkende krag van God deur gebed. Ons sien die verval rondom ons: Kerke loop leeg, mense raak afvallig, wereldse standaarde verdring al hoe meer Christelike standaarde en beginsels, ekstremistiese godsdiensgroepe word 'n al hoe groter bedreiging. Ons sit hande in die hare en weet nie wat om te doen nie. In Gebed wat berge beweeg verduidelik Bennie Mostert dat dit die antwoord is: Gebed. Hy neem die leser op 'n reis deur die geskiedenis, van groot geestelike herlewings, persoonlike verhale, hedendaagse sendelinge en verhale uit die Bybel om te illustreer dat die enigste antwoord gebed is. Hierdie boek sal jou nie net help om te bid nie, maar ook om reg te bid. Gebed wat berge beweeg sal jou inspireer en aanspoor om meer te bid. God wag op jou gebede, Hy wil die beste vir jou he, Hy wil vir jou gee wat jy in sy Naam vra. Jy moet net bid. Naas die raad vervat in elke hoofstuk, sluit die boek ook af met 'n bylaag met praktiese riglyne vir gebed. Ontsluit die magtigste krag op aarde: vir jouself, jou land, jou geliefdes, asook die hele wereld.