Virus

’n Week gelede was Jake nog ’n doodgewone sewentienjarige. Nou is hy een van die enigste oorlewendes in ’n verwoeste stad. Daarom vat hy die pad op soek na sy pa. Maar ná die uitbreek van die virus is die wêreld ’n vreemde, skrikwekkende plek waar gevaar om elke draai skuil en waar jy nooit seker is wie jy kan vertrou nie.

Jaco Jacobs is die gewilde skrywer van talle bekroonde topverkoperboeke vir kleuters, kinders en tieners. Sy skryfwerk wissel van prettige kinderrympies tot spokerige grilstories, van vermaaklike feiteboeke tot lekker skaterlagstories.Hy het reeds meer as 150 boeke die lig laat sien, en meer as 1.2 miljoen kopieë van sy boeke is verkoop. Daniël du Plessis is ’n kunstenaar, grafiese ontwerper en illustreerder. Sy stripkuns is in vele plaaslike en internasionale publikasies opgeneem en van sy kunswerke het al in telke uitstallings gehang. Tussendeur sy illustrasiewerk vir plaaslike uitgewers en kunswerke vir uitstallings, gee hy klas by ’n private ontwerpkollege. Hy het ’n groot passie vir boeke, hy versamel graag plaaslike boom- en plantsoorte en het ’n sterk belangstelling in insekte. Hy woon en werk in Pretoria, Suid Afrika, met sy lewensmaat, Yolanda en ’n kat, Busta.