Mentje - Kind van die Pas-Opkamp

Sy is so verskriklik eensaam. So verskriklik bang. Haar hart is verskriklik stukkend. Mentje, ’n nederlandse oorlogswesie, beleef die Tweede Wêreldoorlog in al sy genadeloosheid in ’n geheime kamp. Terselfdertyd sluit ’n Suid-Afrikaner by die Britse leër aan. Mentje red sy lewe by die slag van Arnhem.

Op Goodreads verdien beide The girl from the train en Child of the river (Persomi) gemiddeld vier sterre elk. Savanna Kaiser skryf: “Wow. I’ll say it again. Wow.” En Debbie Krenzer: “I absolutely loved this book! One of the best books I've read this year.”RT Book Reviews gee Child of the river (Persomi) vier sterre en beskryf dit soos volg: “This is a thoughtful and provoking novel to be savoured.” Publishers Weekly se: “Joubert (The Girl from the Train) once again demonstrates a knack for stringing believable, interesting characters through a historical South African landscape. Not just a sweet romantic novel, Joubert’s book is a testament to the value of hard work and perseverance.” Vanuit Nederland eindig Dorienke de Vries haar bydrae op LitNet so: “Zo worden er niet alleen in Irma’s boeken bruggen gebouwd over verschillen van cultuur en godsdienst heen, maar slaan ze ook zelf een brug tussen Nederlanders en Afrikaners, die soms zo op elkaar lijken en soms ook helemaal niet.” In Duitsland kry Sehnsuchtsland (Immer wes) vyf sterre en leser Petra Donatz eindig haar resensie met: “Met dit alles en vele meer het die skrywer Irma Joubert in ’n uiters spannende en meesleurende verhaal geskep, wat my 100% oortuig het.” Immer wes het ’n 4.3 rating op Amazon en I du Toit skryf die volgende: “Wat ’n ongelooflike werk. Dit was vir my so insiggewend om die verskil te beleef van hoe die bevolking die verskil tussen die Eerste en Tweede Wereldoorloe beleef het. Ons weet dat daar groot verliese in hierdie tydperk was, maar hierdie boek bring dit tot voor jou deur met die rou menslike ervarings. Uitstekend. Mag Irma Joubert nog baie, baie boeke skryf!! Annika Heymans op Lekkerlees Boekrak oor Tussen stasies: “519 bladsye het my werklik lanklaas so geboei soos hierdie boek s’n. Die angs van die meisietjie, die jongman wat eintlik self nog kind was wat hom oor haar ontferm het, die jare tussen haar vetrek en sy verskyning … Sjoe. Ek het nie woorde daarvoor nie!” Helene Prinsloo op Lekkerlees Boekrak oor Immer wes: “Ek het 'n groot probleem met hierdie boek ... en dit is dat ek nie dadelik nommers twee en drie kan lees nie! Om te se ek het Immer wes verslind is 'n understatement – en nou spook Hildegard behoorlik by my.”

Irma Joubert is gebore en getoë in die Bosveld (Nylstroom) en het aan UP studeer. Sy het vir 35 jaar onderwys gegee (Afrikaans en Geskiedenis vir senior sekondêre leerders) voordat sy einde 2004 afgetree en begin skryf het. Sy publiseer verskeie artikels en kortverhale in tydskrifte en word in 2005 aangewys as Media24 se “Spesialis Joernalis van die Jaar”. Beide haar Tussen stasies-trilogie en haar Pontenilo-trilogie, asook die eerste boek van haar Oorlogstrilogie, naamlik Immer wes, is in Nederlands vertaal waar dit telkens onder die topverkopers tel. Vier van haar boeke is reeds in Duits vertaal en HarperCollins in Amerika het The girl from the train (Tussen stasies) in 2015 wêreldwyd bekend gestel. Irma se stokperdjies is lees en kook, veral buitelug kokerasies. Haar gunsteling vakansieplek is die boendoes: woestyn-boendoes, Transkei-boendoes, Bosveld-boendoes, Afrika-boendoes.