Jock van die Bosveld en ander ware dierestories

Ontmoet ’n paar dapper en interessante diere van regoor die wêreld! Ontdek die wonderlike verhaal van Jock, die Suid-Afrikaanse hond wat wêreldberoemd geword het; ontmoet ’n brilpikkewyn met die naam Gregory Peck wat mense geïnspireer het om nie die see te besoedel nie; en skud poot met Just Nuisance, ’n hond wat by die Britse vloot aangesluit het!Hierdie boek bevat vyf asemrowende ware dierestories.

Wendy Maartens het grootgeword op Worcester, waarna sy op George skoolgegaan en gematrikuleer het. Sy woon tans in Table View. Wendy is veral bekend vir haar deeglike navorsing om geliefde en vergete Suid-Afrikaanse verhale weer vir oud en jonk toeganklik te maak. Sy is die skrywer en samesteller van boeke soos Lena se bottelboom, ’n Ster met strepe, Prinses Mossienes, Drie hoera’s vir Denver, Sprokies en ander gunsteling-stories, Die mooiste dierestories, Eendag op ’n reëndag, My eerste atlas: ’n wêreld-atlas vol asemrowende feite, Vertel vir my ’n storie, Die beste Suid-Afrikaanse spookstories en die mees onlangse Helde van Suid-Afrika¬-reeks. Alex van Houwelingen was van jongs af versot op teken. Hy het in 2006 ’n kursus in inligtingsontwerp aan die Universiteit van Pretoria voltooi, maar daarna besluit om eerder ’n vryskutloopbaan as illustreerder te volg. Hy geniet dit om in ’n verskeidenheid mediums te werk, onder meer waterverf, houtskool, potlood, olieverf, akriel en pen en ink. Hy woon in Pretoria en is die trotse pa van twee kleuters, Robin en Madelein.