Roelf Meyer (Afrikaans)

Roelf Meyer se memoir bied ’n aangrypende blik op die persoonlikhede en kragte wat die verloop van die oorgangstyd bepaal het. In kernmomente was dit sy spesiale verhouding met Cyril Ramaphosa, hoofonderhandelaar van die ANC, wat die knoop deurhak. Hy vertel oor hul band, wat 30 jaar later ’n rol gespeel het in sy aanstelling as ambassadeur tot Amerika, en beantwoord die vraag: Wat verg dit om skynbaar onversoenbare partye te laat saamwerk.

Anneliese Burgess is 'n bekroonde joernalis en skrywer. Sy is die voormalige uitvoerende regisseur van Special Assignment op SABC en is tans ’n senior profielskrywer vir News24. Burgess is die stigter van die Afrikaanse aanlyn publikasie Binne+Land en die skrywer van Heist! South Africa’s Cash-in-transit Epidemic Uncovered. Roelf Meyer is 'n prokureur en voormalige politikus, wat onlangs as Suid-Afrika se ambassadeur in Amerika aangewys is. Hy was die hoofonderhandelaar vir die Nasionale Party tydens die onderhandelinge vir 'n demokratiese Suid-Afrika. Na sy uittrede uit die politiek in 2000, het hy onder meer as konsultant in internasionale vredesprosesse opgetree.