Sankind lees die wind

Ontdek die wonderlike wêreld van die Sanmense in hierdie asemrowende bundel van kortverhale. Wendy Maartens leer jou van die skerp wysheid wat skuil in die dans van die Kwagga en die fluister van die wind. Neem ʼn reis na ʼn tyd toe die diere nog kon praat en die mense ʼn besondere verhouding met die natuur gehad het. Dwaal saam met diere en mense in ʼn tyd waar elke ding ʼn betekenis het, en waar die verbintenis met die natuur die grootste skat is. Hierdie stories is nie net oor die diere nie, maar oor die erfenis en kultuur van die Sanmense wat die hart van hierdie unieke boek vorm. Kom ontdek die geheime van mitologie, volksverhale en die ou San-geskiedenis. Hierdie boek onderskei hom deur sy unieke opvoedkundige waarde en bied ʼn insiggewende verkenning van San-kultuur, mitologie, en hul diep verbintenis met die natuur. Dit bied lesers ʼn verreikende ervaring deur in ʼn minder bekende erfenis in te delf en lig te werp op ou tradisies en oortuigings.

Wendy Maartens se passie is om kinders te help om hulself, hul leefwêreld en mekaar oor kultuurgrense heen beter te verstaan deur die stories van hul komvandaan. Wendy is die enigste jeugboekskrywer in S.A. wat die afgelope 12 jaar 16 versamelbundels van hoogstaande gehalte onder hierdie vaandel gelewer het. Haar kanonisering van volksverhale, legendes en ware stories tot heldeverhale, dierestories en spookstories trap diep spore in die literêre storielandskap van bewaring terwyl sy kinders bemagtig om die uitdagings van elke dag d.m.v. stories die hoof te bied. Sy is die skrywer en samesteller van 16 bundels en meer as 30 boeke. Wendy se werk is vertaal in onder andere Engels, Xhosa, Sotho, Venda, Zulu en Duits. Dedré Fouquet is ʼn voltydse vryskutillustreerder, ontwerper en konseptuele kunstenaar met meer as 30+ jaar ondervinding. Dedré illustreer vir produksieateljees, redaksionele publikasies en boeke en pas haar individuele styl aan by die inhoud deur oorspronklike digitale, geverfde of handgetekende illustrasies te skep. Wanneer Dedré nie in haar Stellenbosch-ateljee skep nie, is sy besig om te duik of kajak te roei oor die pragtige Kaapse kus.Dedré het werk gedoen vir Oxford University Press, Cambridge University, Associated Magazines, Protea Uitgewers, Struik Uitgewers, Pearson Education, Maskew Miller Longman, Oshun en vele ander, insluitend individuele skrywers. Volg haar werk @dedrefouquet en sien meer daarvan by www.portfoliodedre.co.za.