Newman se Voëls volgens kleur

Newman se Voëls volgens Kleur bied vir die beginnervoëlkyker ’n vinnige, eenvoudige manier om Suider-Afrika se algemeenste voëls volgens hul kleur te identifiseer. Die vierde uitgawe van dié nuttige geïllustreerde gids is bygewerk met die nuutste gewone voëlname, uitgebreide habitatinligting en die mees onlangse verspreidingkaarte. Die leersame inleiding bevat praktiese wenke oor die uitken van voëls, inligting oor voëlanatomie en -klassifikasie, en raad oor waar om vir voëls te soek en wat jy op só ’n uitstappie moet inpak. Verkoopspunte: Volledig bygewerk – nou met illustrasies en fotos. Gebruik kleur om voëls te identifiseer. Voëlname ook in inheemse tale. Verspreidingskaarte vir elke spesie. Ideaal vir beginnervoëlkyker.

Kenneth Newman was ’n bekende voëlskilder en ornitoloog wat aansienlik bygedra het tot die groeiende belangstelling in Suider-Afrika se voëls. Sy talle boeke het al byna ’n miljoen eksemplare wêreldwyd verkoop. Nick Newman is ’n passievolle, ervare voëlkyker wie se belangstelling in voëls en hul gedrag deur sy pa se veldwerk aangewakker is. Hy staan aan die stuur van die Newman-familiebesigheid, wat hulle daarop toespits om die voëlkykgemeenskap te groei met behulp van Kenneth Newman se ikoniese en gewilde reeks voëlkykhulpbronne.

Book Partnerships

For the Fans