Roosville Raaisels: Die vlinderdief

Karla is geskok om uit te vind dat iemand die raar en kosbare Blou Morf-vlinders uit die Skoenlapperhuis waar haar ma werk gesteel het – en nou kan haar ma dalk haar werk verloor!Saam met haar nuwe vriende Kumiko en die tweeling Douw en Devan besluit sy om ondersoek in te stel en die vlinders te red – saam met haar ma se werk.Hierdie boek, die eerste titel in ’n nuwe reeks, is ’n prettige en avontuurlustige speurverhaal vir jong lesers deur Marita van Aswegen en pragtig geïllustreer deur Cheslea Taylor.

Marita van Aswegen se kinderboeke is al deur verskeie groot Suid-Afrikaanse uitgewers uitgegee. Sy skryf hoofsaaklik in Afrikaans, maar verskeie van haar boeke is al vertaal na Engels sowel as Suid Sotho. Haar skryfwerk word beïnvloed deur die minderbevoorregte, landelike gebiede wat sy daagliks waarneem en deur haar ervarings as ’n maatskaplike werker, sowel as die vermoë van kinders om bo hul omstandighede uit te styg. Sy put vreugde daaruit om haar stories met lesers van Suid-Afrika en die wêreld te deel. Cheslea Taylor is ’n ontwerper en illustreerder van Pretoria. Sy spesialiseer in digitale illustrasies met ’n klem op botaniese en stillewes. Cheslea het ’n internasionaal geakkrediteerde BA-graad in Grafiese Ontwerp van die Design School of Southern Africa.