Grondpaaie in Suid-Afrikaanse Kerkgeskiedenis / Gravel Roads in South African Church History

In hierdie bundel gee vriende, kollegas en studente erkenning aan prof. Dolf Britz – by die geleentheid van sy 70ste verjaardag – vir sy jare lange arbeid op die terrein van kerkgeskiedenis en kerkreg. Prof. Britz se arbeid is nie slegs akademies van aard nie, maar kan beskryf word as vriendediens – aan die terrein van hoër onderwys en aan die Kerk in Afrika. Die bundel weerspieël iets van die breë belangstelling wat prof. Britz se arbeid kenmerk – van die geskiedenis van die Reformasie tot die geskiedenis van die VOC, van die kerkreg tot die kerkgeskiedskrywing, van die Nadere Reformasie tot die rassevraagstuk in Suid-Afrika. Die outeurs reis daarin saam met prof. Britz op die grondpaaie van die geskiedenis – onontdekte paaie, met soveel beloning.