Warmer Voor die Tuimeldroër

Warmer voor die tuimeldroer bestaan uit 97 gedigte, waarvan baie herkenbaar is van Spoegwolf se albums sedert Swaartekrag in 2012 verskyn het. Bekende gedigte soos 'Kort Donner', 'Bittermaan', 'Storm' en 'Ohana Cafe' verskyn in die bundel, maar nes die res van die meer bekende gedigte, is dit gelukkig nie oorheersend nie. Daar is 'n verskeidenheid voorheen onbekende materiaal wat die bundel lyf gee en lewendig maak. Wat wel opmerklik is, is die herhaling van die temas van liefde en vriendskap in heelparty gedigte, wat die leeservaring soms saai kan maak. Ander onderwerpe soos Stellenbosch, geloof, verskillende kleure en Marguerite van Eeden, sy partner aan wie die bundel opgedra is, kom ook voor (sien as voorbeeld 'man van Stellenbosch')