Karoowildsvleis

Jou alles-in-een wildsgids – van die veld tot op die tafel

Karoo Wildsvleis bied ’n meesterklas in wildskookkuns – dit neem jou van die ongerepte jagveld na die slagkamer en wys jou hoe om ’n karkas in die onderskeie snitte op te sny, en dan na die kombuis vir die beste gaarmaakmetodes, marinades en smulsouse. Voeg daarby wenke vir koue en warm beroking, nat- en droogpekel, verwerking in biltong, salami en wors, asook die gebruik van kruie en speserye.
Die boek is ingedeel volgens snitte en vir elke snit is daar ’n keur van aanloklike resepte, van klassiek tot kreatief. Verwag treffers soos wildspastei, wildspotjie, rolrib, rookwors, springbokboud met lammersterte, kerriesult, bitterballen en nog vele meer.
Ontvang die Karoovlaktes se geskenk met oop hande en ’n oop hart, nooi die vrye natuur na binne, dek jou tafel met gulhartige oorvloed en bemeester die kuns om wildsgeregte te maak wat smelt in die mond.

Annatjie Reynolds, alombekende wildsvleiskenner, slyp reeds jare lank haar talent en kookvernuf op hul Karooplaas, Nieuwefontein, naby Richmond. Sy en haar vriendin en medeskrywer, Lynne Minnaar, deel graag hul passie vir wildsvleis en wys hoe jy iets baie spesiaals in die kombuis kan laat gebeur.

Annatjie Reynolds is a wife, home economist, cookbook writer and game meat expert. She lives on the farm Nieuwefontein and offers courses on the processing and cooking of game meat. Annatjie is well-known in cooking circles., Lynne and Annatjie Reynolds are good friends and at the time took on a game meat cookbook as a fundraising project for their children’s school. The books were never commercially available but were reprinted up to 6 times. And thus where the demand for the Karoo game meat book originated.